ನಿನಗಾಗಿಯೇ.. ನಿನದಾಗಿದೆ

ಪ್ರೀತಿ ನನ್ನಲ್ಲೇನಿದೆ
ಈ ಜೀವನವೇ ಅದಾಗಿದೆ
ನಿಂತಂತೆ ನಿನ್ನಲ್ಲೇ, ನಿನಗಾಗಿಯೇ.. ನಿನದಾಗಿದೆ

ಗಿರಿಯ ಮೇಲೆ ನಾ ನಿಂತು
ತಂಗಾಳಿಯ ತಂಪನ್ನು ನಾ ತಡೆಯೆ!
ಆ ನಿನ್ನ ಶೃಂಗಾರ ಚಿತ್ರವು ಮೂಡಿ
ನಿಂತಂತೆ ನಿನ್ನಲ್ಲೇ, ನಿನಗಾಗಿಯೇ.. ನಿನದಾಗಿದೆ

ಸಾಗರವು ಕ್ಷಣಕಾಲ ಅಡಗಿದಂತೆ ಹಿಮದ ಹಿಂದೆ
ಬಣ್ಣಗಳು ಬೆರೆತಂತೆ ಕಾಮನ ಬಿಲ್ಲಿನ ನಡುವೆ
ಕ್ಷಣಾರ್ಧದಿ ಮಿಂಚಂತೆ ಮೂಡಿದಾಗ ಪ್ರೀತಿ
ನಿಂತಂತೆ ನಿನ್ನಲ್ಲೇ, ನಿನಗಾಗಿಯೇ.. ನಿನದಾಗಿದೆ

ಮುಗ್ಧನ ಮೊಗವೊಂದು ನನದಲ್ಲ
ಅಂದದ ಜಿಂಕೆಯ ಕಂಗಳು ನನಗಿಲ್ಲ
ತಿಳಿಯಾದ ಹಾಲ್ಕೆನೆಯ ಈ ಮನದ ಪ್ರೀತಿ
ನಿಂತಂತೆ ನಿನ್ನಲ್ಲೇ, ನಿನಗಾಗಿಯೇ.. ನಿನದಾಗಿದೆ

- ಕೆ ಎಸ್ ರಾಜು